ភិន សុ​ដា​លី​ស ធ្វើ​ខួបកំណើត​ឲ្យ​កូនស្រី​ជាមួយ​នឹង​ការ​តុបតែង​ខ្លួន​ប្លែក​ភ្នែក

ភ្នំពេញ ​៖​ បើទោះបីជា​ រស់​ក្នុង​ជីវិត​ជា​ស្ត្រី​មេម៉ាយ​អស់​រយៈពេល​៣​ឆ្នាំ​មកនេះ ក៏ពិតមែន តែ​អ្នកនាង ភិន សុ​ដា​លី​ស បាន​បំពេញ​តួនាទី​ជា​ម្ដាយ បាន​យ៉ាង​ល្អ​ចំពោះ​កូនស្រី ដែល​ជា​ដំណក់​ឈាម​រួមគ្នា​ជាមួយនឹង​លោក ប៉ែន ចំ​រ៉ុង។

ជាក់ស្ដែង ​ដើម្បី​ជា​ផ្នែក​មួយ​នៃ​ការ​បង្ហាញ​ក្ដី​ស្រឡាញ់ និង​កាតព្វកិច្ច​ចំពោះ​កូនស្រី​ខ្លួន​នោះ អ្នកនាង ភិន សុ​ដា​លី​ស កាលពី​យប់​ម្សិលមិញ បាន​ធ្វើ​ខួបកំណើត​ឲ្យ​កូនស្រី​របស់​ខ្លួន​គម្រប់​ខួប​៣​ឆ្នាំ ជាមួយ​នឹង​ការ​តុបតែង​ខ្លួន​ភ្នែក​តែម្ដង ទាំង​រូប​នាង កូនស្រី អ្នកចូលរួម​ ក៏ដូចជា​កម្មវិធី​ទាំងមូល​នោះ។

បង្ហោះ​រូប​ជាច្រើន​សន្លឹក​ក្នុង​ថ្ងៃ​ខួបកំណើត​កូនស្រី​ខ្លួន​នេះ អ្នកនាង ភិន សុ​ដា​លី​ស បានធ្វើការ​ថ្លែងអំណរគុណ​ចំពោះ​ភ្ញៀវ​ ដែល​បាន​ចូលរួម​ថា «​សូម​ថ្លែងអំណរគុណ​យ៉ាង​ជ្រាលជ្រៅ​ចំពោះ​លោកតា​លោកយាយ​អ៊ំ​ពូ​មាន​មីង​បងប្អូន​និង​មិត្ត​ភ័ក្ត្រ​ទាំងអស់គ្នា ដែល​បានផ្ដល់​កិត្តិយស ចូលរួម​កម្មវិធី​ខួបកំណើត​កូន​ខេ​ត​គម្រប់​អាយុ 3 ឆ្នាំ​ អរគុណ​ចំពោះ​ការ​រាប់អាន»។

ងាក​មក​លោក ប៉ែន ចំ​រ៉ុង ដែល​ជា​ឪពុក​ក្មេង​នោះ​វិញ កាលពី​ពេល​ថ្មី​នេះ បាន​បង្ហោះ​រូបភាព​Pre Wedding ជាច្រើន​សន្លឹក ជាមួយ​អនាគត​ភរិយា ដោយ​បង្ហាញ​ពី​ភាព​ផ្អែមល្ហែម​កៀកកើយ​យ៉ាង​មាន​ក្ដី​សុខ មុននឹង​ពិធី​មង្គលការ​របស់​ពួកគេ ដែល​គ្រោង​ធ្វើ​នៅ​ខែក្រោយ​នេះ ប៉ុន្តែ​មិនទាន់​ដឹង​ពី​កាលបរិច្ឆេទ​ច្បាស់លាស់​នៅឡើយ​ទេ៕

 

Related posts