ពេល​សិល្បករ​កំពុង​ឈឺ​មេត្តាជួយ​គាត់​ផង កុំ​ចាំ​ពេល​បាត់បង់​ បានធ្វើ​មកជួយ​វា​ហួសពេល​ហើយ

ភ្នំពេញ ​៖​ តារា​សម្តែង​លោក អ៊ឹម ជីវ៉ា គ្រា ​ដែល​ចុះទៅ​សួរសុខទុក្ខ​និង​នាំ​ថវិកា ​របស់​អភិបាលខណ្ឌ​ពោធិ​សែន​ជ័យ​ទៅ​ជួយឧបត្ថម្ភ​ជូន​ដល់​តារាចម្រៀង​ជើងចាស់​លោក សួស សង​វាចា ដែល​ធ្លាក់ខ្លួន​ឈឺ​ពិការ​មួយ​ចំហៀង​នោះ ​លោក​បាន​ថ្លែង​សារ​ក្តុកក្តួល​និង​ចាក់​ដោយ​ខ្លាំង​ចំពោះ​ទស្សនិកជន​និង​អ្នកសិល្បៈ​មួយចំនួន។

លោក អ៊ឹម ជីវ៉ា បាន​និយាយ​លើកឡើងថា​ ពេល​សិល្បករ​កំពុង​ឈឺ មេត្តាជួយ​គាត់​ផង!​ សូមជួយ​ស៊ែរ​ផង អាណិត​ណាស់ តារាចម្រៀង​លោក សួស សង​វាចា ធ្លាក់ខ្លួន​ពិការ​មួយ​ចំហៀង​ខ្លួន​ច្រៀង​លែងកើត​ហើយ។

លោក សង សង​វាចា និយាយ​ទាំង​ទឹកមុខ​ក្រៀមក្រំ​ថា លោក​ពិតជា​មានការ​អស់សង្ឃឹម​ណាស់​ព្រោះ​ធ្វើ​អ្វី​មិនកើត​គ្មាន​ប្រាក់ចំណូល​គ្មាន​លុយ​អោយ​កូន​រៀន​ជំពាក់​លុយ​ធនាគារ លោក​មានតែ​ផ្លូវ​មួយ​ទេ​គឺ​សូម​អោយ​សម្តេច​តេ​ជោ ហ៊ុន សែន ផ្តល់​​​អាហារូបករណ៍​អោយ​កូន​គាត់​បាន​រៀន​ផង។

លោក អ៊ឹម ជីវ៉ា បាន​បន្តទៀតថា ​ក្នុងឱកាស​ការសួរសុខទុក្ខ​តារា​រូបនេះ ​លោក​ក៏បាន​នាំយក​ថវិកា​​របស់​លោក ហែម ដា​រិ​ទ្ធ អភិបាល​នៃ​គណៈ​អភិបាលខណ្ឌ​ពោធិ​សែន​ជ័យ​ឧបត្ថម្ភ​ដល់​លោក សួស សងវា​ចារ​ចំនួន ២០​ម៉ឺន​រៀល​ផងដែរ​។​ នេះ​ជា​លើក​ទី​៣​ហើយ ដែល លោក អភិបាលខណ្ឌ​រូបនេះ​យកចិត្ត​ទុក្ខ​ដាក់​ជួយឧបត្ថម្ភ​សម្រាប់​តារា​ចម្រៀង​លោក សួស សង​វាចា។

ការលើកឡើង​ខាងលើនេះ​ បានធ្វើ​ឲ្យ​ទស្សនិកជន​មួយចំនួន​គាំទ្រ​និង​មាន​ក្តី​អាណិតអាសូរ​ដល់​តារាចម្រៀង​ចាស់​វង្សា​លោក សួស សង​វាចា ដែល​បច្ចុប្បន្នកំពុង​ធ្លាក់ខ្លួន​ឈឺ​ពិការ​មួយ​ចំហៀង​ខ្លួន​បាត់បង់​សមត្ថភាព​នៅក្នុង​វិថី​សិល្បៈ​ផងដែរ៕

Related posts